कृषिकिंग: आडसाली उसाच्या लागवडीची कामे 15 ऑगस्ट पर्यंत पूर्ण करावीत. लागवडीसाठी दोन सरीमधील अंतर मध्यम जमिनीत 100 सेंमी व भारी जमिनीत 120 सेंमी ठेवावे. पट्टा पद्धतीसाठी मध्यम जमिनीत 75-150 से.मी.व भारी जमिनीत 90-180 सेंमी पट्टा पद्धतीचा अवलंब करावा. रोगग्रस्त कीडग्रस्त शेतातील व खोडव्याचे बेणे लागणीस वापरू नये ऊस बेणे मळ्यातीलच बेणे लागवडीसाठी वापरावे. ऊस लागणीकरिता उसाच्या एक डोळा अथवा दोन डोळा टिपरीचा वापर करावा. आडसाली लागण करताना को 86032, को.एम 0265 व को.व्ही.एस.आय.1805 या शिफारशीत जातींचा वापर करावा.
डॉ. प्रमोद चौधरी, डॉ. मृणाल अजोतीकर, महात्मा फुले कृषी विद्यापीठ, मध्यवर्ती ऊस संशोधन पाडेगाव